Улуус нэhилиэктэрэ:

Болугур нэһилиэгэ.

Нэhилиэк киинэ Мындађаайы. Кыра бөһүөлэктэр-Кыстык-Кугда. Нэһилиэнньэтин ахсаана 1116 киһи ол иhигэр Кыстык-Кугдађа 11 (2007 сыллаађы даннайынан). Улуус кииниттэн 70 км. илин диэки сытар.

Мантан салгыы Болугур нэhилиэгин туhунан саңардыллыбыт даннайдары нэhилиэк дьаhалтата бу страницађа киллэттэриэ диэн эрэл санаалаахпын.

      Ефимов А.П. Саха Республикатын т/х үтүөлээх үлэhитэ, Болугур нэhилиэгин бочуоттаах гражданина, суруйан хаалларбыт "Мындађаайы" диэн кинигэттэн кылгатан, миэхэ наадалаађын Интернетка таhаарабын.

Фрунзе колхоз.
Фрунзе колхоhу 1940 сылтан бэттэх Савина Агафья Дмитриевна хаалларбыт ахтыытыгар олођуран уонна 1950 сылтан бэттэх бэйэм билэрбинэн өйдөбүнньүк 200 киhи ахтылынна.

Фрунзе колхоз Саппаас отунан, Кузьминнар олохторунан, кыстыгынан Булгунньађынан, Хайырђаhынан, Балыктыырынан тайаан олоро сылдьыбыттара. Кинилэр уопсай сирдэрэ 2731 га, ол иhиттэн туhанар сирдэрэ 2731 га, оттуур сирэ 213 га, мэччирэңэ 275 га, олбуор 46 баара. Маңнай табаарыстыба, онтон "Блюхер" артыал, кэлин "Фрунзе" колхоз буолбута. Сүрүн үлэhиттэр Константиновтар, Дьячковскайдар, Кузьминнар, Абрамовтар аймахтар эбиттэр.